Kryeministri Edi Rama ka ndarë sërish në Facebook një video, përmes së cilës fton protestuesit të ulen në dialog.
Jashtë ambienteve të Kryeministrisë janë vendosur disa karrige, një bllok betoni dhe fletë me mbishkrimin “DIALOG”, në një skenë që duket se përcjell mesazhin e hapjes ndaj bisedimeve.
Pamjet e publikuara tregojnë karriget e vendosura përballë njëra-tjetrës, ndërsa në qendër ndodhet një strukturë betoni mbi të cilën janë vendosur fletët me fjalën “DIALOG”.
Përmes këtij veprimi, Rama përsërit ftesën e tij për dialog me protestuesit, në një kohë kur protestat vijojnë të jenë pjesë e zhvillimeve në vend.
