Marjana Koçeku ka reaguar përmes një postimi në rrjetet sociale lidhur me dhunën ndaj protestuesve në Tiranë, duke kujtuar se protestat e para masive shpërthyen pas rastit të një qytetari që u mor zvarrë.
Duke iu referuar edhe rastit të sotëm, kur një protestues u godit në sy, Koçeku thekson se pushteti vijon ta përdorë frikën si mënyrë për të ushtruar presion ndaj qytetarëve.
“Pushteti vazhdon me e trajtu trupin e qytetarit si vendin ku duhet me u ngulë frika”, shkruan ajo, duke shtuar se çdo goditje ndaj një protestuesi e bën edhe më të qartë arsyen pse njerëzit vijojnë të qëndrojnë në shesh.
Sipas Koçekut, dhuna ndaj protestuesve nuk e zbeh arsyen e protestës, por nxjerr edhe më shumë në pah motivet që i mbajnë qytetarët në rrugë.
