Një ngjarje e rëndë është regjistruar në fshatin Dobraç të Shkodrës, ku një 76-vjeçar ka humbur jetën pasi dyshohet se është vetëdjegur, duke përdorur lëndë djegëse, konkretisht benzinë.
Trupi i pajetë është transportuar në morgun e Spitalit Rajonal të Shkodrës, ku do t’i nënshtrohet ekzaminimeve të mëtejshme.
Grupi hetimor po vijon veprimet për të sqaruar rrethanat e plota të kësaj ngjarjeje të rëndë.
Njoftimi i plotë i policisë:
Në Shkodër, në fshatin Dobraç, është gjetur pa shenja jete në banesën e tij shtetasi S. S., 76 vjeç.
Nga veprimet e para hetimore dyshohet se ky shtetas është vetëdjegur, duke përdorur lëndë djegëse (benzinë), dhe, si pasojë e djegieve të marra, ka humbur jetën.
Trupi i pajetë është dërguar në morgun e Spitalit Rajonal Shkodër për ekzaminime të mëtejshme.
