Studentët kanë nisur grumbullimin para Ministrisë së Arsimit, në ditën e 13-të të protestës së tyre.
Të rinjtë po mblidhen gradualisht në zonë, ndërsa pritet që pjesëmarrja të rritet në vijim.
Protestuesit kanë paralajmëruar se do të vijojnë të kërkojnë plotësimin e kërkesave të tyre dhe se nuk do të tërhiqen nga qëndrimi i mbajtur gjatë ditëve të fundit. Forca policie janë vendosur në zonë për të garantuar rendin dhe mbarëvajtjen e tubimit.
Protesta e sotme vjen një ditë pas tensioneve dhe përplasjeve të regjistruara në Tiranë. Studentët kanë bërë të ditur se aksioni i tyre do të vazhdojë edhe në ditët në vijim.
Situata deri në këto momente para Ministrisë së Arsimit paraqitet e qetë.