Begaj për fitoren e shqiptarëve në Luginën e Preshevës: Rezultati të kthehet në më shumë të drejta dhe barazi

Presidenti i Republikës së Shqipërisë, Bajram Begaj, ka reaguar këtë të hënë për fitoren e koalicionit shqiptar në Luginën e Preshevës, duke e cilësuar rezultatin si një fitore të bashkimit, dinjitetit dhe përfaqësimit politik.

Në mesazhin e tij, Begaj thekson se rezultati zgjedhor duhet të shërbejë si një mundësi për avancimin e të drejtave të shqiptarëve në Serbi dhe për t’i dhënë fund diskriminimit.

“Fitorja e shqiptarëve të Luginës së Preshevës është fitore e bashkimit, dinjitetit dhe përfaqësimit politik.

Tani ky rezultat duhet të kthehet në më shumë të drejta, barazi dhe fund të diskriminimit.

Shumë urime!”, shkruan presidenti Begaj.