Ish-zëvendëspresidentja amerikane Kamala Harris iu është përgjigjur kritikëve brenda Partisë Demokratike, të cilët kërkojnë të distancohen prej saj përpara zgjedhjeve të mesit të mandatit, duke theksuar se prioriteti i saj është fitorja e demokratëve.
Në intervista për CNN dhe MS NOW, Harris deklaroi se kandidatët duhet të bëjnë gjithçka që e konsiderojnë të nevojshme për të fituar në zonat e tyre elektorale, edhe nëse kjo nënkupton mbajtjen e distancës prej saj.
“Dua që ata të bëjnë çfarëdo që duhet për të fituar. E them këtë sinqerisht”, u shpreh Harris, duke iu referuar kandidatëve që garojnë në zona ku demokratët përballen me sfida të forta elektorale.
Ndërkohë, lidhur me mundësinë e një kandidimi të dytë për presidente në vitin 2028, Harris nuk dha një përgjigje përfundimtare, duke lënë të hapur mundësinë për rikthim në garën presidenciale.
“Unë shkoj para dhe mbrapa. Sinqerisht, shkoj para dhe mbrapa… Ka kaq shumë faktorë”, deklaroi ajo.
Komentet e Harris vijnë në një periudhë kur demokratët po përpiqen të përcaktojnë strategjinë e tyre politike për zgjedhjet e ardhshme, ndërsa e ardhmja e saj politike mbetet një temë diskutimi brenda partisë.
The post Kamala Harris u përgjigjet kritikëve të saj: Prioriteti është fitorja e demokratëve appeared first on Euronews Albania.
Burimi: Botë
