Polemika kanë përfshirë ceremoninë e Topit të Artë 2026, pasi tri raportime të ndara në kanale të lidhura me çmimin kanë përmendur Lamine Yamalin, Kylian Mbappen dhe Harry Kane si fitues.
Sipas gazetës spanjolle MARCA, këto raportime kanë qarkulluar me shpejtësi në rrjetet sociale, duke nxitur spekulime dhe paqartësi rreth fituesit të çmimit prestigjioz individual.
Megjithatë, informacionet e publikuara nuk përbëjnë konfirmim zyrtar se cili futbollist e ka fituar Topin e Artë për këtë vit.
Sipas Daily Mail Sport, organizatorët janë alarmuar nga incidenti dhe kanë nisur një hetim për të përcaktuar se si janë publikuar këto informacione dhe çfarë masash duhet të ndërmerren.
Fituesi i Topit të Artë 2026 pritet të shpallet gjatë ceremonisë së mbrëmjes, ndërsa deri në njoftimin zyrtar, emrat e përmendur mbeten pjesë e raportimeve që kanë shkaktuar kaos dhe spekulime.
