Policia e Kosovës ka gjetur dhe sekuestruar armë dhe municion gjatë kontrollit në shtëpinë e të dyshuarit për vrasjen e Arlinda Zekajt në Vitomiricë të Pejës.
Sipas raportit të Policisë, kontrolli është kryer më 25 tetor, rreth orës 21:02, në kuadër të hetimeve për rastin e vrasjes së rëndë.
Gjatë kontrollit janë gjetur dhe sekuestruar një pushkë gjuetie, 153 fishekë, disa karikatorë, pajisje të armës, tri thika, një bajonetë, 115 gëzhoja dhe një sëpatë.
Policia ka bërë të ditur se rasti është duke u hetuar.