“Zoti do të krijojë lehtësim pas vështirësive”, është mesazhi i postuar në rrjetet sociale nga 28-vjeçari Erjon Vishkulli, i cili ndodhet nga spitali në Itali, ku do t’i nënshtrohet një ndërhyrjeje kirurgjikale në sy.
28-vjeçari u lëndua në sy gjatë protestës së dhunshme të së shtunës.
Prokuroria e Tiranës ka nisur hetimin për ngjarjen. Në deklaratën për mediet thuhet se janë marrë pamjet nga kamerat e sigurisë nga Banka e Shqipërisë, që ka regjistruar ngjarjen gjatë protestës të së shtunës.
Po kështu, verifkimet po kryen me kartelat e Spitalit të Traumës. Hetimet po vijojnë edhe në bashkëpunim me Agjencinë e Mbikqyrjes Policore mbi veprimet e efektivëve të përshirë në aksionin e shpërndarjes së protestës për të identifikuar policin që shtiu.
