Ambasada shqiptare në Romë vijon të mbajë nën mbikëqyrje të riun 28-vjeçar, Erion Vishkulli i cili ndodhet në Itali për t’iu nënshtruar një ndërhyrje kirurgjikale në sy në spitalin Gemelli, pas dëmtimit nga plumbi i gomës së gjuajtur nga policia në protestën e 24 tetorit në Tiranë.
Siç raporton gazetarja Alba Kepi, bëhet fjalë për të njëjtën punonjëse të ambasadës shqiptare, Marjeta Mikeli, e cila vijon të kërcënojë sërish duke e fotografuar, në mënyrë që gazetarja të mos i afrohet familjes Vishkulli dhe miqve të të riut.
Këtë radhë, raporton gazetarja e Syri, Alba Kepi, sekretarja e ambasadës shoqërohet edhe nga Elton Reso, atashe ushtarak i akredituar në ambasadën shqiptare.
Dy punonjësit e ambasadës shqiptare në Romë po bëjnë roje në derën e repartit të urgjencës në spitalin Gemelli, ku Erion Vishkulli po përgatit të bëjë procedurën e shtrimit në repartin përkatës, ku pritet t’i nënshtrohet operacionit në sy.
Erion Vishkulli, protestuesi i plagosur me plumb gome nga policia në Tiranë gjatë protestave studentore.
Ndërhyrja pritet të kryhet në spitalin Gemelli nga një ekip mjekësor i drejtuar prej një kirurgu me 45 vite përvojë në fushën e kirurgjisë okulistike.
Vëmendja është përqendruar te ndërhyrja dhe ecuria e trajtimit, ndërsa pritet të mësohen më shumë detaje mbi procedurën dhe gjendjen shëndetësore të Vishkullit.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Vrasja e Arlinda Zekajt, Kurti u kërkon dy ministrive raport të plotë brenda 54 orëve
Berisha: Deputetët e PD janë paraqitur në komisione për të dënuar dhunën e egër ndaj studentëve
Berisha: PD thërret protestë kombëtare të shtunën në mbështetje të studentëve dhe gjimnazistëve