Studentët e Universitetit të Mjekësisë kanë nisur marshimin drejt Ministrisë së Arsimit, ku kanë paralajmëruar të mblidhen në orën 14:00, në vijim të protestave kundër qeverisë.
Sot shënohet dita e 15-të e protestës, e cila një ditë më parë u zhvillua në një atmosferë të qetë dhe me më pak pjesëmarrës, krahasuar me ditët e mëparshme.
Studentët vijojnë të kërkojnë dorëheqjen e kryeministrit Edi Rama dhe zhvillimin e zgjedhjeve të parakohshme. Këto mbeten thirrjet kryesore të protestuesve, të cilët prej ditësh janë përfshirë në tubime dhe marshime në kryeqytet.
