Vrasja e Arlinda Zekajt, protestë para Gjykatës në Pejë

Dhjetëra qytetarë janë mbledhur këtë të martë para ndërtesës së Gjykatës në Pejë në shenjë proteste. Ata kanë kërkuar drejtësi dhe përgjegjësi institucionale lidhur me vrasjen e Arlinda Zekajt.

Të mbledhur në shenjë revolte dhe solidarizimi, protestuesit mbartën në duar fotografi të viktimës, duke bërë thirrje që organet e drejtësisë dhe institucionet përgjegjëse të veprojnë me transparencë, seriozitet dhe vendosmëri në zbardhjen e plotë të këtij rasti.

Ata theksuan se institucionet e sigurisë dhe drejtësisë duhet të garantojnë mbrojtjen e qytetarëve dhe autori i ngjarjes të marrë përgjigjen e merituar përpara ligjit.