Dy restorante tradicionale në Librazhd janë përfshirë nga flakët mbrëmjen e sotme, në një incident që ka vënë në alarm zonën pranë lumit Shkumbin.
Bizneset ndodhen pranë njëri-tjetrit, në breg të lumit, çka ka shtuar rrezikun e përhapjes së zjarrit nga një objekt te tjetri.
Pas marrjes së njoftimit, shërbimet zjarrfikëse kanë mbërritur në vendngjarje dhe kanë nisur ndërhyrjen për shuarjen e flakëve, me qëllim vënien e situatës nën kontroll dhe parandalimin e përhapjes së zjarrit në zonat përreth.
Deri më tani, nuk ka të dhëna të konfirmuara për shkaqet e zjarrit apo përmasat e dëmeve materiale.