Rezultatet e pjesshme të zgjedhjeve parlamentare në Izrael tregojnë një avantazh për bllokun e drejtuar nga kryeministri Benjamin Netanyahu, por pa arritur shumicën e nevojshme për të qeverisur i vetëm.
Sipas të dhënave të Komisionit Qendror të Zgjedhjeve, deri në orën 09:20, kur janë numëruar 66.2% e kutive të votimit, blloku i Netanyahut siguron 56 mandate, ndërsa koalicioni i drejtuar nga Gadi Eisenkot, lideri i partisë Yashar, merr 48 mandate.
Ndërkohë, partitë arabe, të cilat gjithashtu kundërshtojnë Netanyahun, kanë siguruar 16 mandate.
Për të siguruar shumicën parlamentare dhe për të formuar qeverinë nevojiten të paktën 61 mandate. Kështu, shifrat paraprake nuk i japin asnjërit prej dy blloqeve kryesore një shumicë të qartë.
Numërimi i votave vijon dhe rezultatet mund të ndryshojnë. Votat e vendosura në zarfe të dyfishta, përfshirë ato të ushtarëve, do të numërohen në një fazë të mëvonshme të procesit zgjedhor.
The post Zgjedhjet në Izrael, Netanyahu kryeson me 56 mandate, opozita siguron 48 appeared first on Euronews Albania.
Burimi: Botë
