Në Prishtinë ka nisur të mbahet edicioni i 3-të i Forumit Ekonomik Gjermano-Kosovar, një ngjarje kryesore që bën bashkë liderë biznesi, investitorë dhe politikëbërës nga Gjermania, Kosova dhe e gjithë Evropa.
Në ditën e parë, në këtë forum kanë marrë pjesë emra të ndryshëm nga politika, biznesi dhe përfaqësues medial, shkruan Telegrafi.
I pranishëm ka qenë edhe kryeministri i Kosovës, Albin Kurti, Ambasadori i Gjermanisë në Kosovë, Rainer Rudolph dhe Besnik Vasolli, drejtori ekzekutiv i agjenecionit të bizneseve gjermano-kosovare.
Nga temat kryesore që do të trajtohen në këtë forum, kanë të bëjnë me transformimin digjital, të gjelbër dhe industrial, e ky forum e pozicionon Kosovën si një partner strategjik për kompanitë gjermane — duke ofruar inovacion, fuqi punëtore të kualifikuar dhe me zinxhirë të qëndrueshëm furnizimi.
Gjatë këtyre dy ditëve, programi fokusohet në tri shtylla kryesore: Transformimin Digjital & Inteligjencën Artificiale, Energjinë & Infrastrukturën e Qëndrueshme, si dhe Prodhimin e Avancuar.
Përveç sesioneve plenare me krerë shtetërorë e ekspertë ndërkombëtarë, pjesëmarrësit do të zhvillojnë takime direkte B2B për t'i shndërruar diskutimet në partneritete konkretet biznesi.
Kurse, në ditën e dytë, fokusi do jetë te diaspora dhe të mundësitë e bashkëpunimit mes dy shteteve.
