Ndërsa studentët vijojnë revoltën e tyre me kushtin e panegociueshëm të largimit të tij nga pushteti, Edi Rama ka vijuar me provokimet dhe fyerjet e përditshme ndaj tyre duke i cilësuar turmë, të verbër dhe të përzier me krimin e organizuar.
Me anë të një videomesazhi, Rama kritikoi gjuhën e përdorur ndaj tij, duke e cilësuar si “dhunë gjuhësore”, ndërsa akuzoi edhe mediat televizive për korrupsion.
“Pavarësisht deficitëve demokratike që ka kultura jonë e bashkëjetesës ku të gjithë kemi pjesën e fajit. As civilizimi europian nuk kanë asgjë të përbashkët me përmbajtjen vulgare të këtij sulmi të dhunës gjuhësore, Ku siç thotë popull gjuha kocka s’ka por kocka thyen.
Madje me ndihmën e vipave po djeg automate dhe po thyen banka. Mes pafundësisë së dritave të hijeve të realiteti tonë kam parë se sa më e kthjellët është Shqipëria që nuk përfaqësohet nga kjo turmë dhe as nga ekranet e korruptuara televizive…të tërë këta në rrugën e ekranit thonë se duan kokën time, por unë në fakt me shumicën që qeveris jam pengesa më e madhe mes tyre dhe asaj shumice që e lufton korrupsionin dhe krimin me një drejtësi të pavarur dhe që po negocion me BE, mbylljen e kapitujve të anëtarësimit deri në fund të vitit 2027.
Unë do jem në krye të detyrës time deri në ditën e fundit të kontratës që ma kanë besuar njerëzit e Shqipërisë.
Po kush janë këta? Dhe në emër kujt duan t’i imponojnë shoqërisë tonë, kryeqytetit tonë, vendit tonë shembullin e forcës së verbër të antiligjit dhe antinjerëzillëkut. Nuk dua t’i rikthehem këtu përbërjes së kësaj turm, një mishmash pastish politike që s’kanë lidhje me njëra-tjetrën. As nuk dua të përziej përzierje në të duarve të huaja, krimit të organizuar dhe parasë së zezë”,– tha Rama.
