Afro 58 ditë pas nisjes së bojkotit të avokatëve për shkak të mosmarrëveshjeve me Gjykatën e Posaçme (GJKKO) lidhur me rregulloren e sigurisë, Apeli Administrativ ka vendosur të pezullojë vendimin e Dhomës së Avokatisë së Shqipërisë për bojkotin e përgjithshëm.
Vendimi përfshin edhe seancat për masat e sigurisë dhe gjykimet në themel në Gjykatën e Posaçme.
Një ditë më parë, negociatat mes përfaqësuesve të avokatëve dhe GJKKO-së nën kujdesin e KLGJ, për t’i dhënë fund bojkotit dështuan. Takimi i dytë mes palëve u mbyll pa rezultat, duke lënë të pazgjidhur mosmarrëveshjen për zhvillimin e seancave gjyqësore.
Ndërkohë, për nesër pritet që avokatët të mbledhin Këshillin Drejtues për të diskutuar vijimin e situatës dhe masat që do të ndërmarrin pas vendimit të Apelit Administrativ.a.b
