Kryesore

Kushte atmosferike të qëndrueshme/ Parashikimi i motit për sot, 29 tetor 2026

07:09 - 29.10.26 GSH Gazetar
GSH APP Download on Apple Store Get it on Google Play

Sot vendi ynë do të ndikohet nga kushte atmosferike të qëndrueshme.

Moti parashikohet me alternime kthjellimesh e vranësirash mesatare e hera-herës deri të dendura kalimtare përgjatë relieveve malore të territorit.

Era parashikohet të fryjë me drejtim verilindje – veriperëndim me shpejtësi mesatare 7 m/s ndërsa përgjatë vijës bregdetare e kryesisht atë veriperëndimorë dhe zonat luginore era me shpejtësi deri në 16 m/s shoqëruar me valëzim në dete të forcës 2-3 ballë


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.

Të tjera në Kryesore

Partitë arabe janë kthyer në një faktor qendror të negociatave për formimin e qeverisë së ardhshme në Izrael, pas zgjedhjeve parlamentare të 27 tetorit. Numërimi i votave të zakonshme ka nxjerrë një rezultat që nuk i siguron kryeministrit Benjamin Netanyahu shumicën e nevojshme për të vazhduar qeverisjen, ndërsa përfaqësimi i zgjeruar arab krijon mundësi të reja për opozitën. Sipas të dhënave të Komisionit Qendror të Zgjedhjeve, të raportuara nga gazeta izraelite The Jerusalem Post, blloku i Netanyahut siguron 53 mandate, kundrejt 48 të bllokut opozitar. Dy partitë arabe, Lista e Përbashkët dhe Ra’am, arrijnë së bashku në 19 vende në parlamentin me 120 deputetë. Likud mbetet partia më e madhe me 26 mandate, ndërsa Yashar, e drejtuar nga Gadi Eisenkot, renditet e dyta me 21. Megjithatë, rezultati i Likud nuk i jep automatikisht Netanyahut mundësinë për të formuar qeverinë. Për këtë i nevojitet mbështetja e të paktën 61 deputetëve, një prag që blloku i tij nuk e arrin. Në këtë situatë, partitë arabe kanë fituar një rëndësi të veçantë. Lista e Përbashkët projektohet të marrë 12 mandate, ndërsa Ra’am shtatë. Së bashku, ato përfaqësojnë një forcë parlamentare që mund të ndikojë drejtpërdrejt në krijimin ose bllokimin e një shumice qeverisëse. Nëse opozita arrin të sigurojë mbështetjen e të 19 deputetëve arabë, forcat jashtë kampit të Netanyahut do të kishin teorikisht 67 mandate. Por kjo llogaritje nuk përkthehet automatikisht në një marrëveshje politike. Partitë opozitare kanë qëndrime të ndryshme për bashkëpunimin me përfaqësuesit arabë dhe mbetet e paqartë nëse ato mund të bien dakord për një formulë të përbashkët qeverisëse. Megjithatë, sinjalet e para të afrimit tashmë janë dhënë. Kryetari i Partisë Demokratët, Yair Golan, ka kërkuar hapur që opozita të bashkëpunojë me partitë arabe për të krijuar një qeveri alternative. “Netanyahu humbi. Unë di të numëroj deri në 120. Gjashtëdhjetë e pesë janë më shumë se 55. Kështu funksionon demokracia izraelite”, deklaroi Golan, duke iu referuar një përllogaritjeje të mëhershme të mandateve. Ai argumentoi se vota e qytetarëve arabë duhet të ketë të njëjtën peshë politike me atë të qytetarëve hebrenj dhe se opozita nuk duhet ta përjashtojë bashkëpunimin me partitë që përfaqësojnë komunitetin arab. Nga ana tjetër, drejtuesit e Listës së Përbashkët kanë shprehur gatishmërinë për të ndihmuar në krijimin e një alternative ndaj Netanyahut. Kryetari i saj, Yousef Jabareen, deklaroi se partia është e gatshme të hapë rrugën për largimin e qeverisë aktuale, duke mbështetur një partneritet politik mes hebrenjve dhe arabëve. Edhe deputeti Ahmad Tibi dha një mesazh të ngjashëm, duke deklaruar se opozita mund ta formojë qeverinë nëse ka guximin të marrë vendimet e nevojshme. “Ne po shtrijmë dorën dhe jemi të gatshëm të ndihmojmë”, tha Tibi. Këto deklarata tregojnë se përfaqësuesit arabë nuk synojnë të mbeten thjesht jashtë negociatave, por kërkojnë të luajnë një rol në përcaktimin e shumicës së ardhshme parlamentare. Pengesa kryesore mbetet qëndrimi i partive të tjera opozitare. Gadi Eisenkot dhe drejtues të tjerë kanë përjashtuar mundësinë e pjesëmarrjes në një qeveri nën drejtimin e Netanyahut, por kjo nuk do të thotë se kanë arritur një marrëveshje për bashkëpunim me partitë arabe. Një nga mundësitë që mund të diskutohet është formimi i një qeverie pakice, e cila do të mbështetej nga deputetët arabë në votimet vendimtare, pa qenë domosdoshmërisht pjesë e kabinetit. Edhe kjo formulë, megjithatë, kërkon marrëveshje mes forcave që aktualisht kanë dallime të rëndësishme politike. Nga ana tjetër Netanyahu ka nisur sulmet. Partia Likud ka akuzuar partitë arabe për manipulim duke pretenduar se gjatë procesit të votimit janë kryer shkelje të rënda, përfshirë blerje votash, kërcënime, dhunë dhe falsifikime. Në një deklaratë të publikuar pas zgjedhjeve, Likud kërkoi ndërhyrjen e menjëhershme të policisë izraelite, shërbimit të sigurisë së brendshme Shin Bet dhe Komisionit Qendror të Zgjedhjeve. “Zgjedhjet në shtetin e Izraelit u vodhën nga partitë arabe që mbështesin terrorizmin dhe shkatërrimin e shtetit hebre, përmes veprave të rënda penale që përfshijnë ryshfet, kërcënime, dhunë, falsifikime dhe përdorimin e programeve të ndaluara për mobilizimin e votuesve”, thuhet në deklaratën e Likud. Ndërkohë, rezultati nuk është ende përfundimtar. Mbeten për t’u numëruar votat me zarfe të dyfishta, ku përfshihen votat e ushtarëve, diplomatëve dhe kategorive të tjera të zgjedhësve që kanë votuar jashtë qendrave të tyre të zakonshme. Për momentin, zgjedhjet kanë krijuar një situatë në të cilën Netanyahu ruan drejtimin e partisë më të madhe dhe të bllokut më të madh parlamentar, por nuk zotëron shumicën për të qeverisur. Opozita, nga ana tjetër, ka mundësi të kërkojë një shumicë alternative, por duhet të kapërcejë dallimet e brendshme. Në këtë përballje, 19 mandatet e projektuara për partitë arabe marrin një peshë që shkon përtej përfaqësimit të tyre parlamentar. Ato mund të bëhen vendimtare për zgjedhjen mes vazhdimit të qeverisjes së Netanyahut, krijimit të një kabineti alternativ apo zgjatjes së negociatave politike. Pyetja kryesore pas zgjedhjeve nuk është më vetëm se kush mori më shumë vota, por kush mund të bashkojë 61 deputetë. Dhe në këtë llogari, partitë arabe kanë marrë një rol që asnjëra palë nuk mund ta shpërfillë.
07:00 - 29.10.26 GSH Gazetar