Buxheti i Republikës së Kosovës për vitin 2026 dhe Projektligji për Byronë Shtetërore për Verifikimin dhe Konfiskimin e Pasurisë së Pajustifikueshme janë ndër çështjet kryesore që do të shqyrtohen sot në Kuvendin e Kosovës.
Seanca plenare është caktuar të fillojë në orën 10:00, në sallën e Kuvendit, sipas njoftimit të Drejtorisë për Media dhe Marrëdhënie me Publikun.
Fillimisht, deputetët do të shqyrtojnë miratimin e procesverbaleve nga seancat e mëparshme, do të mbajnë deklarime jashtë rendit të ditës dhe do të parashtrojnë pyetje parlamentare.
Në vazhdim, në shqyrtim të dytë do të jetë Projektligji për ndryshimin dhe plotësimin e Ligjit mbi ndarjet buxhetore për Buxhetin e Republikës së Kosovës për vitin 2026.
Po ashtu, deputetët do të shqyrtojnë për herë të dytë Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme.
Në fund të seancës, pritet të votohet edhe propozimi i Grupit Parlamentar të Listës Serbe për emërimin e deputetëve në komisionet parlamentare.
Rendi i ditës:
- Miratimi i procesverbaleve nga seancat e mëparshme.
- Deklarimet jashtë rendit të ditës.
- Pyetjet parlamentare.
- Shqyrtimi i dytë i Projektligjit nr. 11/L-013 për ndryshimin dhe plotësimin e Ligjit nr. 10/L-001 mbi ndarjet buxhetore për Buxhetin e Republikës së Kosovës për vitin 2026.
- Shqyrtimi i dytë i Projektligjit nr. 11/L-006 për Byronë Shtetërore për Verifikimin dhe Konfiskimin e Pasurisë së Pajustifikueshme.
- Votimi i propozimit të Grupit Parlamentar të Listës Serbe për emërimin e deputetëve në komisionet parlamentare. /Telegrafi/
