Një person është dërguar me autoambulancë në QKMF në Skenderaj pa shenja jete, vdekjen e të cilit e kishte konstatuar mjeku.
Sipas raportit 24 orësh të Policisë së Kosovës bëhet e ditur se rasti ka ndodhur të mërkurën rreth orës 22:40 në rrugën “Fazli Grajqevci”, në Skenderaj.
Tutje në raport thuhet se njësitë relevante të policisë kanë dalë në vendin e ngjarjes dhe janë duke e hetuar rastin.
“Rr. Fazli Grajqevci, Skenderaj 28.10.2026 – 22:40. Është raportuar se viktima mashkull kosovar, me auto-ambulancë ishte sjellë në QKMF Skenderaj pa shenja jete, vdekjen e të cilit e ka konstatuar mjeku. Njësitë relevante të policisë kanë dalë në vendin e ngjarjes dhe janë duke e hetuar rastin. Trupi i pajetë i viktimës me urdhër të prokurorit është dërguar në IML për obduksion”, thuhet në njoftim. /Telegrafi/
