Detaje të reja janë zbardhur nga ngjarja e rëndë në Shkozë të Tiranës, ku Ismete dhe Agim Ziu humbën jetën pasi banesa e tyre u përfshi nga flakët.
Djali i çiftit rrëfeu për emisionin me Zemër të Hapur në News 24 se zjarrin e vuri partneri i motrës së tij, pasi ajo nuk i ishte përgjigjur telefonatave.
Sipas dëshmisë së saj, autori i dyshuar ka spërkatur me benzinë derën e banesës dhe më pas i ka vënë flakën, ndërsa brenda ndodheshin prindërit, motra dhe nipi, të cilët po flinin.
Ai rrëfeu se motra e tij ishte konfliktuar me partnerin dhe kishte fikur telefonin. Pasi banesa u përfshi nga flakët, ajo u zgjua dhe e telefonoi të vëllanë, duke i kërkuar të njoftonte policinë. Motra u nxor nga banesa nga zjarrfikësit dhe, sipas të vëllait, ndodhej në gjendje më të mirë, ndërsa djali i saj 20-vjeçar kishte pësuar djegie në fytyrë.
Ndërkohë, prindërit e tij mbetën të bllokuar brenda banesës, duke kërkuar ndihmë nga dritarja, por nuk arritën të shpëtonin. Djali i çiftit deklaroi gjithashtu se partneri i motrës kishte shfaqur më herët sjellje xheloze, konsumonte shumë alkool dhe kishte shkuar disa herë natën në banesën e prindërve, duke i kërcënuar me fjalët “do ju vras”.
Sipas tij, pavarësisht episodeve të mëparshme dhe shqetësimeve të shkaktuara, familjarët nuk e kishin denoncuar, pasi nuk i kishin marrë seriozisht kërcënimet. Ditën e sotme dha dëshminë e saj për emisionin Me Zemër të Hapur, protagonistja kryesore e këtij konflikti, e cila trondit me detajet e saj.
Vajza e çiftit të moshuar, që ndërruan jetë Enkelejda Ziu: Unë shkova tek shtëpia e prindërve. Më tha se ke telefon tjetër në dorë dhe po flet. I thashë më lër të qetë të flej. Donte të grricej gjithë natën. Në një moment, babi më tha që fikja atë telefon se na çmendi. Më vonë, ai merr në telefon mamin dhe mami prapë ju kthye që ik e fli gjumë se ka ditë boll nesër. Më pas, na vuri zjarrin.
Plasi zjarri në shtëpi, nisa të bërtas me të madhe. U kap jashtë dritares, kurse babi e mami e djali ishin në dhoma tjetër. Ishin kapur për dore përpara se të vdisnin. Dëgjoja ulërimat e babit e mamit që thoshin “Ndihmë, po digjemi”.
Djali im ndodhet rëndë në spital dhe ai ka parë gjithçka. Më mori në telefon dhe më tha “U djegsh, u përvëlofsh se po të shoh” më tha. Kjo ka ndodhur kur unë po bëja luftë me flakët.
I ktheva përgjigje “më dogje babin e mamin” dhe kaq bisedë kam pasur me atë. Zjarri zgjati e zjarrfikëset janë vonuar tek 40 minuta. Nuk kisha shanse që të shuaja flakët, sepse ishte benzinë, që merr flakë direkt. Djali është rëndë në spital. Në spital babin e pashë duke dhënë shpirt, kurse mami ishte pa ndjenja. Mami i atij më mori në celular dhe nuk i interesonte fare për mua, por donte vetëm të dinte ku e kishte djalin, në momentin që ne kishim tragjedi në familje. Nuk dua të shoh me sy familjarët e Astritit.
