Aksidenti hekurudhor me 69 viktima, ministri i Transportit i Spanjës refuzon të japë dorëheqjen

Ministri i Transportit i Spanjës hodhi poshtë të premten thirrjet për dorëheqjen e tij pas aksidentit të dytë vdekjeprurës hekurudhor gjatë mandatit të tij  këtë vit.

Autoritetet po vazhdojnë përpjekjet për të identifikuar viktimat e përplasjes që ka marrë jetën e  69 personave .

Ligjvënësit nga i gjithë spektri politik e kanë kritikuar Ministrin e Transportit Oscar Puente për fajësimin e aksidentit të së mërkurës për një shkelje të protokollit nga operatorët e qendrës së kontrollit, në vend që të merrte përgjegjësi politike. Sindikatat e punonjësve të hekurudhave po bëjnë thirrje për shkarkimin e tij të menjëhershëm .

Aksidenti, i cili ndodhi pranë qytetit Urda, në Spanjën qendrore, pasoi një tjetër tragjedi hekurudhore në janar, ku u përfshinë të njëjtat kompani në të njëjtën linjë dhe u morën jetën 46 personave .

Tragjedia e re risjell në plan të parë debatin mbi sigurinë dhe mirëmbajtjen e rrjetit hekurudhor me shpejtësi të lartë të Spanjës , më i madhi në Evropë, ndërsa vendi përgatitet për zgjedhjet që kryeministri Pedro Sanchez ka shpallur për 29 nëntor.

“Detyra ime tani nuk është të përqendrohem në debatin nëse duhet të qëndroj në pozicionin tim, por të zgjidh problemin, të përcaktoj saktësisht se çfarë ka ndodhur dhe të jap shpjegime të qarta”, tha Puente në një konferencë për shtyp, të premten.