“Gjumi s’ka me ju marrë” – protestë në Pejë pas vrasjes së Arlinda Zekajt

Sot në Pejë është protestuar pas vrasjes së Arlinda Zekajt në Vitomiricë të kësaj komune me 25 tetor.

Protestuesit kanë kërkuar drejtësi për vrasjen të cilën dyshohet se e kreu ish-kunati i Zekajt, Albert Sylaj i cili është arrestuar dhe gjendet në paraburgim.

Pjesëmarrës në protestë kanë qenë edhe familjarë të Arlinda Zekajt.

Marshi ka filluar nga Komuna e Pejës, ka vazhduar te Qendra për Punë Sociale, te Policia dhe Gjykata e ka përfunduar të Prokuroria.

Protestuesit kanë hedhur tymuese, vezë e kanë brohoritur “Edhe sa gra të vrara” para Prokurorisë në Pejë.

Edhe Arbëri 7 o. më parë “Shteti do të japë llogari”, paralajmërohet vazhdimi i protestave

Njëra prej organizatoreve të protestës ka thënë se të gjitha institucionet kanë dështuar ta mbrojnë jetën e Arlindës. 

“Ne sot si qytetarë e bashkëqytetarë të Arlindës kemi ardhur te secili institucion për të kërkuar drejtësi”, është shprehur ajo. 

Protesta janë paralajmëruar se do të mbahen edhe në Mitrovicë nga ora 13:00 si dhe në Prishtinë nga ora 16:00. 

Arlinda Zekaj, 49-vjeçare, u vra më 25 tetor dhe si i dyshuar për vrasje është arrestuar ish-kunati i saj, Albert Sylaj, Ndërkohë që ish-bashkëshorti i Zekajt, Jeton Sylaj, ditën e vrasjes ishte ndaluar nga organet e rendit pasi Zekaj e kishte denoncuar për mosrespektim të urdhrit mbrojtës.

Edhe Arbëri 9 o. më parë Protestuesit vendosin tendë para Qeverisë

Vetëm tri ditë para se të vritej Zekaj i kishte shkruar letër kryeprokurores së Pejës duke i treguar se jeta e saj po rrezikohej. 

VIDEO: