Zjarr në një magazinë në Gjirokastër, flakët rrezikonin dy pallate banimi

Aktualitet | 1 minutë më parë

Një zjarr ka përfshirë gjatë natës një magazinë që përdorej për aktivitetin e lyerjes së automjeteve, në rrugën pranë Fushës së Vjetër në Gjirokastër.

Sipas Drejtorisë së MZSH-së Gjirokastër, njoftimi për zjarrin është marrë në orën 23:29. Me mbërritjen në vendngjarje, zjarrfikësit konstatuan se flakët kishin përfshirë magazinën dhe rrezikonin të përhapeshin drejt dy pallateve të banimit që ndodheshin në afërsi.

Për neutralizimin e situatës u angazhuan katër automjete zjarrfikëse, një autobot dhe i gjithë efektivi i shërbimit zjarrfikës.

Falë ndërhyrjes së shpejtë dhe punës së koordinuar, u bë i mundur izolimi i vatrës dhe parandalimi i përhapjes së flakëve drejt ndërtesave të banimit dhe objekteve përreth.

Pas një operacioni intensiv, zjarri u shua plotësisht.

/rtsh.al/

gjirokaster

zjarri

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.