Një petullë me krem e përdorur si armë krimi. Kjo është hipoteza në qendër të një hetimi nga karabinierët e Reggio Emilia-s, në Itali, e cila ka çuar në vendosjen në arrest shtëpiak të një burri 76-vjeçar. Sipas hetuesve, burri dyshohet se vrau me paramendim kushëririn e tij me aftësi të kufizuara për një trashëgimi.
Konkretisht, ai dyshohet se i dha disa ëmbëlsira të afërmit 74-vjeçar, për të cilin ishte kujdestar ligjor, pavarësisht se dinte se i afërmi vuante nga disfagia e rëndë (vështirësia ose pamundësia për të gëlltitur ushqime të ngurta, lëngje ose pështymën e tij, duke shkaktuar një kalim jonormal nga goja në stomak), dhe mund të ushqehej vetëm me lëngje.
74-vjeçari ndërroi jetë më 27 qershor nga mbytja në qendrën sociale dhe të kujdesit shëndetësor ku ishte vendosur. Urdhër-arresti, i kërkuar nga Zyra e Prokurorit dhe i lëshuar nga gjyqtari hetues, u ekzekutua vonë të enjten në mbrëmje, më 29 tetor dhe burri akuzohet për vrasje me paramendim.
