Nisin protestat në Tiranë, PD para Kryeministrisë dhe studentët te Ministria e Arsimit, Berisha mungon

Kanë nisur në Tiranë dy protestat e paralajmëruara për mesditën e sotme. Deputetët e Partisë Demokratike kanë lënë selinë blu dhe janë nisur drejt Kryeministrisë, ku pritet të zhvillohet protesta e opozitës. Në protestë vihet re mungesa e kryedemokratit Sali Berisha.

Paralelisht, protestuesit janë mbledhur edhe para Ministrisë së Arsimit, ku po zhvillohet protesta e studentëve.

Më herët, kreu i PD-së, Sali Berisha, deklaroi se opozita do të vijojë të mbështesë protestën. Ndërkohë, kryeministri Edi Rama bëri sërish thirrje për dialog, duke publikuar në rrjetet sociale një video të tryezës prej guri para Kryeministrisë, ku janë vendosur fletë me mbishkrimin “Dialog”.