Policia ka identifikuar dhe shoqëruar 5 prej personave të maskuar që gjuajtën me gurë gjatë protestës së sotme në Tiranë.
Sipas raportimeve, për 3 prej tyre që janë përsëritës të veprimeve të dhunshme, do vendoset gjoba prej 5 milionë lekësh, sipas urdhrit të Ramës.
Protesta e zhvilluar sot u shoqërua me tensione dhe përplasje pranë Ministrisë së Arsimit. Pas djegies së koshave të mbeturinave, protestuesit hodhën molotovë dhe gurë në drejtim të godinës, duke përshkallëzuar situatën. Ndërsa policia nga ana tjetër është përgjigjur me ujë për të shpërndarë turmën.
