Kryetari i Lëvizjes ZNAM, Maksim Dimitrievski, tha se provimi i jurisprudencës do të zhvillohet në gjuhën maqedonase për sa kohë partia e tij është pjesë e Qeverisë, duke iu përmbajtur Kushtetutës dhe ligjeve.
Dimitrievski komentoi debatet dhe kërkesat e fundit për mënyrën e dhënies së këtij provimi, duke theksuar se qëndrimi i ZNAM-it është i përcaktuar qartë dhe nuk do të pësojë ndryshime.
Të lidhura
None found
“Për sa kohë ZNAM është pjesë e Qeverisë, provimi i jurisprudencës do të jepet në gjuhën maqedonase, në përputhje me Kushtetutën dhe ligjin. Mund të ketë kërkesa, presione dhe spekulime të ndryshme, por pozicioni ynë është i qartë. Këto janë vijat tona të kuqe dhe nuk do të tërhiqemi prej tyre”, deklaroi Dimitrievski.
Ai nënvizoi gjithashtu se partia që drejton nuk pranon kompromise për parimet e saj, nëse ato bien në kundërshtim me Kushtetutën dhe ligjet.
