Një 46-vjeçar nga Kosova ka humbur jetën, ndërsa vëllai i tij është plagosur, pas përmbysjes së një mjeti sportiv mbrëmjen e së shtunës në Has.
Sipas Policisë, aksidenti ka ndodhur në livadhet e fshatit Domaj, në njësinë administrative Gjinaj. Mjeti që drejtohej nga shtetasi A. Q., 46 vjeç, dyshohet se është përmbysur aksidentalisht, duke i shkaktuar vdekjen drejtuesit.
Vëllai i tij, V. Q., 38 vjeç, i cili ishte pasagjer, është dërguar në Spitalin e Kukësit, ku po merr ndihmë mjekësore.
Grupi hetimor po punon për të zbardhur shkaqet dhe rrethanat e aksidentit.