Dyshja britanike Chase & Status vlerëson se inteligjenca artificiale mund t’i nxisë artistët drejt origjinalitetit, megjithëse lehtësia e përdorimit të saj rrezikon ta dobësojë përpjekjen krijuese.
Në një intervistë për Reuters, Saul Milton dhe Will Kennard thanë se albumi i tyre “Generic Everything” pasqyron shqetësimin për njëtrajtësimin e kulturës nga teknologjia dhe rrjetet sociale.
Sipas tyre, individualiteti do të bëhet gjithnjë më i çmuar. Përgjigjja e artistëve, theksuan ata, duhet të jetë më shumë punë dhe guxim për të eksperimentuar.