Një shtetas i Kosovës humb jetën në aksident në Shqipëri

Një shtetas i Kosovës ka humbur jetën në një aksident me një mjet sportiv të shtunën në mbrëmje në zonën e Hasit në Shqipëri.

Siç kanë shkruar mediat në Shqipëri, bazuar në raportimin e policisë, 46-vjeçari A.Q. është përmbysur me mjetin sportiv dhe nuk u ka mbijetuar lëndimeve.

I lënduar ka mbetur vëllai i tij, V.Q.. Ai po trajtohet në Spitalin e Kukësit.

Njoftimi i plotë i Policisë:

Në livadhet e fshatit Domaj, njësia administrative Gjinaj, Has, një mjet sportiv dyshohet se është përmbysur aksidentalisht. Si pasojë, ka humbur jetën shtetasi kosovar A. Q., 46 vjeç, drejtuesi i mjetit, ndërsa vëllai i tij, shtetasi V. Q., 38 vjeç, po merr ndihmë mjekësore në spitalin e Kukësit.

Grupi hetimor po kryen veprimet për sqarimin e plotë të rrethanave të aksidentit.