Ernest Muçi po kalon një moment fantastik në kampionatin turk, duke konfirmuar edhe një herë se është një nga futbollistët më të rëndësishëm të Trabzonspor. Fantazisti shqiptar ishte protagonist kryesor në suksesin 2-0 ndaj Gaziantep, në sfidën e vlefshme për javën e 10-të të Superligës turke.
25-vjeçari la gjurmën e tij në të dy golat e skuadrës vendase. Fillimisht, në fundin e pjesës së parë, Muçi shërbeu një asist me kokë për Stefan Savic, i cili dërgoi topin në rrjetë dhe kaloi Trabzonspor në avantazh.
Por momenti më i bukur i mbrëmjes do të vinte në minutën e 61-të. Mesfushori ofensiv shqiptar realizoi një gol spektakolar nga distanca, me një goditje të fuqishme dhe të saktë, duke mposhtur portierin kundërshtar dhe vulosur fitoren e ekipit të tij.
Kështu, pas paraqitjes mbresëlënëse ndaj Rizespor, ku regjistroi tre asistime në fitoren 4-3, Muçi vijon të jetë vendimtar për Trabzonspor, këtë herë duke kombinuar golin me asistin.
🇦🇱⚽️ ERNEST MUCI WOW!!!
Goal and assist from him today. What a strike! What a player! pic.twitter.com/2YWkzvChXR
— Illyrian Footy 🇦🇱 (@IllyrianFooty) November 1, 2026