Zëvendëskryeministrja dhe ministrja e Drejtësisë, Donika Gërvalla, ka reaguar pas ngjarjes tragjike në fshatin Demiraj të Gjilanit të dielën, ku humbën jetën një burrë 27-vjeçar dhe një foshnjë, ndërsa si i dyshuar është arrestuar babai i 27-vjeçarit.
Gërvalla në një postim në Facebook ka kërkuar reagim të menjëhershëm institucional, që të zbardhet e vërteta dhe institucionet të ndërmarrin veprimet sipas ligjit.
“Një ngjarje tragjike ka tronditur sot Gjilanin dhe të gjithë ne, me humbjen e dy jetëve në fshatin Demiraj. Familja duhet të jetë streha më e sigurt e njeriut, vendi ku mbizotërojnë dashuria, harmonia, kujdesi dhe mbrojtja. Çdo ngjarje që e cenon këtë siguri kërkon vëmendje dhe reagim të menjëhershëm institucional. Në këto momente, është e domosdoshme që rrethanat e këtij rasti të hetohen plotësisht dhe pa vonesa, në mënyrë që e vërteta të zbardhet dhe institucionet përgjegjëse të ndërmarrin veprimet që kërkon ligji. Ngushëllimet më të sinqerta familjarëve dhe të afërmve të viktimave”, ka shkruar Gërvalla në Facebook.
Gjenden të vdekur një 27-vjeçar dhe një foshnje në Demiraj të Gjilanit
Një 27-vjeçar dhe një foshnjë janë gjetur pa shenja jete në një shtëpi në fshatin Demiraj...-
Gjenden të vdekur një 27-vjeçar dhe një foshnjë në Gjilan, arrestohet familjari i tyre
-
Gërvalla: S’guxojmë të presim që gratë të vriten për të reaguar, duhet parandalim
-
Arrestohet babai i 27-vjeçarit që u gjet i vdekur me foshnjën e tij, rasti po hetohet si “vrasje e rëndë”
-
Muja: Gërvalla dhe Sveçla është dashur të japin dorëheqje sot
-
Gërvalla nuk ndien përgjegjësi të ekzekutivit pas vrasjes së Zekajt, hedh dyshime te ndikimet politike