Jep dorëheqjen kryeministri i Belgjikës

Kryeministri belg Bart De Wever ia ka paraqitur dorëheqjen e tij Mbretit Philippe, i cili ende nuk ka marrë një vendim nëse do ta pranojë atë, njoftoi pallati mbretëror.

Pas paraqitjes së dorëheqjes, sot, të hënën në mëngjes, Pallati Mbretëror njoftoi se mbreti po “shtyn vendimin e tij” dhe se “nesër do të fillojë konsultimet me udhëheqësit e partive pjesëmarrëse në koalicionin qeveritar”.

Kryeministri pritet të takohet përsëri me mbretin të premten.

Dorëheqja e kryeministrit erdhi pas bllokimit që rezultoi nga negociatat gjatë natës midis partnerëve qeveritarë mbi buxhetin .

Kryeministri u prit nga Mbreti Philippe, i cili, sipas raportimeve belge, ndërpreu pushimet e tij për t’u kthyer në Bruksel për shkak të krizës së rëndë qeveritare.

Bart De Wever dha dorëheqjen pasi pesë partnerët qeveritarë nuk arritën të bien dakord për një paketë masash fiskale me vlerë 10 miliardë euro.