Muriqi drejt rikthimit në Spanjë? Ja klubi që e do në ‘La Liga’
Vedat Muriqi mund të rikthehet në futbollin spanjoll vetëm pak muaj pas largimit nga Mallorca. Sulmuesi i përfaqësueses së Kosovës ka përfunduar në radarët e Valencias, e cila po kërkon të përforcojë repartin ofensiv gjatë afatit kalimtar të janarit.
Sipas raportimeve të mediave spanjolle, të përcjella edhe nga ato turke, drejtuesit e Valencias kanë përfshirë emrin e 32-vjeçarit në listën e kandidatëve për sulmin. Ideja e klubit është të sigurojë një qendërsulmues, mundësisht në formë huazimi, për pjesën e dytë të sezonit.
Në listën e klubit spanjoll, përveç Muriqit, gjenden edhe dy emra të njohur të futbollit evropian: Artem Dovbyk dhe Richarlison. Megjithatë, sulmuesi kosovar shihet si një alternativë interesante falë përvojës së tij në La Liga dhe aftësive në zonën kundërshtare.
Një tjetër faktor që mund të ndikojë në këtë interesim është trajneri i Valencias, Javier Aguirre, i cili e njeh mirë Muriqin nga periudha kur të dy punuan së bashku te Mallorca.
Megjithatë, realizimi i këtij transferimi nuk do të jetë aspak i lehtë. Fenerbahçe pagoi 15.5 milionë euro për ta rikthyer sulmuesin në Turqi nga Mallorca gjatë verës së vitit 2026, ndërsa kontrata e tij me klubin turk është e vlefshme deri në qershor të vitit 2029.
Forma e mirë e Muriqit është një tjetër arsye pse Fenerbahçe mund të mos jetë e gatshme të heqë dorë prej tij. Deri tani këtë sezon, ai ka realizuar tetë gola dhe ka dhënë dy asistime në 16 paraqitje zyrtare me fanellën e skuadrës turke.
