Gjykata Themelore në Prishtinë ka caktuar masën e arrestit shtëpiak për një muaj ndaj drejtorit të Spitalit të Mitrovicës, Gëzim Berisha, i dyshuar për dhunë në familje.
Gjykata ka bërë të ditur se ka refuzuar si të pabazuar kërkesën e Prokurorisë Themelore në Prishtinë për caktimin e masës së paraburgimit ndaj Berishës.
Pas mbajtjes së seancës dëgjimore, gjyqtarja e procedurës paraprake ka vendosur që ndaj tij të caktohet masa e arrestit shtëpiak në kohëzgjatje prej një muaji.
Sipas vendimit, zbatimin e kësaj mase do ta mbikëqyrë Stacioni Policor në Vushtrri, i cili është obliguar të verifikojë respektimin e saj dhe ta njoftojë menjëherë gjykatën në rast të shkeljes.
Gjykata ka vlerësuar se masa e arrestit shtëpiak është e mjaftueshme për të parandaluar përsëritjen e veprës penale, për të mbrojtur të dëmtuarën dhe për të siguruar zhvillimin e rregullt të procedurës penale.
Në arsyetimin e saj, gjykata ka theksuar se i pandehuri dhe e dëmtuara nuk jetojnë më në bashkësi familjare dhe se arresti shtëpiak është caktuar në një pronë ku e dëmtuara nuk banon, me qëllim të shmangies së kontaktit të drejtpërdrejtë mes tyre.
Sipas kërkesës së Prokurorisë, për të pandehurin E.J., ekziston dyshimi i bazuar se me datë 01.11.2026, rreth orës 00:35, në Ferizaj, rruga “Ramadan Rexhepi”, përkatësisht në ambientet e Shërbimit Emergjent Primar – QKMF, i pandehuri ka sulmuar fizikisht të dëmtuarin F.F., – mjekun kujdestar në lidhje me ushtrimin e detyrave të tij zyrtare, në atë mënyrë që, pasi kishte sjellë babanë e tij, i cili ishte në gjendje të dukshme të dehur, për të marrë ndihmë mjekësore, gjatë kohës kur personeli mjekësor ishte duke i ofruar trajtimin e nevojshëm, i pandehuri ka ndërhyrë duke ushtruar presion ndaj personelit mjekësor, me ç’rast për shkak të hapësirës së kufizuar dhe nevojës për zhvillimin e papenguar të trajtimit mjekësor, i është kërkuar që të largohet nga dhoma, mirëpo i pandehuri ka refuzuar dhe më pas e ka goditur një herë me grusht të dëmtuarin F.F., në pjesën e majtë të fytyrës, me të cilën ka kryer veprën penale “Sulmi ndaj personit zyrtar” nga neni 402 paragrafi 1 të KPRK-së.