16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagëve të rënda të marra në një aksident me çiklomotor, më 26 tetor në Balldre të Lezhës.
I mituri ishte aksidentuar rreth orës 14:25, në aksin rrugor Balldre-Rraboshtë, teksa po kthehej nga shkolla.
Sipas të dhënave paraprake të Poliçisë, dyshohet se 16-vjeçari ka humbur kontrollin mbi çiklomotorin që drejtonte dhe është rrëzuar në rrugë, duke pësuar dëmtime të rënda trupore.
Pas aksidentit, ai u transportua me urgjençë drejt Spitalit të Traumës në Tiranë, ku pavarësisht ndihmës mjekësore, ka ndërruar jetë ditën e sotme.
