Ish-prokurori Eugen Beci ka komentuar vizitën e ministrit të Drejtësisë Toni Gogu në burgun e Fierit, për të takuar kryebashkiakun e Tiranës, Erion Veliaj.
Beci shprehet se duhet që të nisë një hetim penal i thelluar në lidhje me këtë rast. Ai shtoi se nëse deklaratat e Veliajt janë të vërteta, duhet të ketë përgjegjësi penale.
“Duhet të bëhet hetim penal për vizitën e Toni Gogut në burgun e Fierit për të takuar Veliajn.
Ministri i Drejtësisë është administratori i të burgosurve, kurse i paraburgosuri ndodhet aty për shkak të Prokurorisë. Këtë duhet ta zgjidhë hetimi, për të kuptuar se përse shkoi ministri, do pyetet kryebashkiaku Veliaj se përse ka qenë Gogu në atë burg.
Në rast se një bisedë e tillë kërcënuese është bërë siç shprehet Veliaj, duhet që të mbajë dikush përgjegjësi” – tha Beci në emisionin “Prime” në News24.
