Amerikanët votojnë sot, më 3 nëntor, në zgjedhjet e mesmandatit (Midterm Elections), një proces i rëndësishëm elektoral që do të përcaktojë balancat politike në Shtetet e Bashkuara të Amerikës për dy vitet e ardhshme.
Në këto zgjedhje nuk votohet për presidentin, por për përbërjen e Kongresit amerikan. Në garë janë të 435 vendet e Dhomës së Përfaqësuesve, si dhe 35 vende në Senat.
Përveç Kongresit, qytetarët amerikanë do të votojnë edhe për guvernatorë në dhjetëra shtete, si dhe për një sërë përfaqësuesish të institucioneve lokale dhe shtetërore.
Vëmendja kryesore është përqendruar te gara mes republikanëve dhe demokratëve për kontrollin e Kongresit. Republikanët synojnë të ruajnë shumicën, ndërsa demokratët kërkojnë të fitojnë terren dhe të ndryshojnë raportet e forcave në të dyja dhomat.
Zgjedhjet konsiderohen një test i rëndësishëm politik për presidentin Donald Trump dhe administratën e tij, pasi rezultatet do të ndikojnë drejtpërdrejt në mundësinë për të çuar përpara agjendën politike gjatë pjesës së mbetur të mandatit presidencial.
