Rama për protestën studentore: Nuk duan të flasin, por vetëm të ikësh! Nuk ma dhanë ata këtë detyrë

Kryeministri Edi Rama, gjatë një interviste të dhënë në Bruksel këtë të martë, ka komentuar protestën e studentëve në Tiranë, e cila ka hyrë në ditën e saj të 22-të. Kreu i qeverisë theksoi se protestuesit po refuzojnë dialogun dhe po këmbëngulin te thirrjet për dorëheqjen e tij, pa pasur një platformë të qartë kërkesash.

“Nuk është e lehtë të protestosh. Për çfarë proteston? Nuk duam të flasim me ty, duhet të ikësh. Më fal, nuk ma dhatë ju këtë punë. Ejani të flasim, jam gati t’ju dëgjoj. Nuk ka dialog, nuk ka diskutim.

Thelbi i çështjes, ndryshe nga vendet e tjera, është se në këtë fazë ka më shumë njerëz që janë në rrugë dhe kërkojnë që ai të ikë.

Është me rëndësi t’i kuptosh njerëzit, të mos e nisësh duke treguar se kush e ka fajin, por t’i dëgjosh dhe të kuptosh çfarë nuk shkon dhe çfarë duan realisht këta njerëz. Kjo është demokraci, është liri. Njerëzit kanë të drejtën të bëjnë atë që duhet të bëjnë.

Problemi fillon kur njerëzit nuk kuptojnë se liria e tyre përfundon aty ku fillon liria e tjetrit.

A ndikohem? Po, ndikohem, sepse po kuptoj si të bëj më shumë dhe si ta bëj më mirë. Shqipëria është shumë mirë kur bëhet fjalë për shifrat e turizmit dhe për rritjen ekonomike, kur vjen fjala për rrugëtimin drejt BE-së dhe për shumë gjëra të tjera. Por, nga ana tjetër, njerëzit kërkojnë më shumë nga ajo që krijohet nga ekonomia”, është shprehur Rama.