Policia e Tiranës ka vendosur 36 masa administrative ndaj personave që, gjatë tubimit të zhvilluar një ditë më parë në kryeqytet, bllokuan rrugët dhe penguan qarkullimin e automjeteve.

Sipas njoftimit të Policisë, kundërvajtjet janë konstatuar në bulevardin “Dëshmorët e Kombit” dhe në rrugën e Durrësit. Pavarësisht thirrjeve të përsëritura të efektivëve, përmes megafonit, për lirimin e rrugës, personat në fjalë nuk iu bindën urdhrave.

Në zbatim të Aktit Normativ nr. 5, datë 28.10.2026, dhe pikës 2 të nenit 24/1, për secilin prej tyre është plotësuar procesverbali përkatës dhe është vendosur gjobë prej 5 mijë lekësh.

Materialet procedurale i janë referuar Prokurorisë për veprime të mëtejshme.

NJOFTIMI I POLICISË
Tiranë
Bllokuan rrugën dhe penguan qarkullimin e automjeteve gjatë tubimit të djeshëm, vendosen 36 masa administrative, në zbatim të Aktit Normativ.

Në zbatim të Aktit Normativ nr. 5, datë 28.10.2026, sipas pikës 2 të nenit 24/1, janë plotësuar 36 procesverbale për konstatimin e kundërvajtjeve administrative.

Masat administrative janë vendosur pasi, gjatë tubimit të zhvilluar në bulevardin “Dëshmorët e Kombit” dhe në rrugën e Durrësit, këta shtetas kanë bllokuar rrugën, duke penguar qarkullimin e mjeteve të transportit. Pavarësisht thirrjeve të përsëritura të punonjësve të Policisë, nëpërmjet megafonit, për lirimin e rrugës, nuk u janë bindur këtyre thirrjeve.

Për secilin është vendosur masa e gjobës në vlerën 5 000 lekë.

Materialet procedurale iu referuan Prokurorisë për veprime të mëtejshme.