Detaje të reja janë zbardhur nga ngjarja e rëndë në Bulqizë, ku 53-vjeçari Urim Fiku u gjet i pajetë në një zonë malore.
Bashkëshortja dhe djali i viktimës janë shoqëruar në polici, ku janë marrë në pyetje në lidhje me rrethanat e ngjarjes.
Fillimisht, familjarët kanë deklaruar se fjalët e fundit të 53-vjeçarit kishin qenë se ishte sulmuar nga një ari. Kjo ishte edhe pista e parë mbi të cilën u ngritën dyshimet për rrethanat e vdekjes së tij.
Megjithatë, ekspertiza mjekoligjore e kryer në Tiranë ka nxjerrë në dritë një tjetër shkak të vdekjes. Sipas saj, Urim Fiku kishte një plagë të shkaktuar nga arma e zjarrit, konkretisht nga një plumb pistolete në gjoks.
Pas këtij konstatimi, hetimet kanë marrë një tjetër drejtim. Grupi hetimor, po verifikon disa pista për të zbardhur plotësisht rrethanat e ngjarjes dhe për të identifikuar personat përgjegjës.
