Komisioni Europian: Shqipëria ka bërë përparim në luftën kundër korrupsionit, SPAK ka dhënë rezultate pozitive në hetimet e nivelit të lartë
Komisioni Europian vlerëson se Shqipëria ka bërë përparim të mirë në luftën kundër korrupsionit, duke evidentuar pavarësinë e SPAK dhe rezultatet pozitive në hetimin e korrupsionit të nivelit të lartë.
Në raportin e siguruar nga gazetarja e Vizion Plus Mola Luku thuhet se korrupsioni mbetet një sfidë reale.
Pjesë nga progresraporti:
Komisioni vlerëson se Shqipëria ka bërë përparim të mirë në luftën kundër korrupsionit.
SPAK vlerësohet për pavarësinë e treguar dhe rezultatet pozitive në hetimin e korrupsionit të nivelit të lartë.
Megjithatë, korrupsioni vazhdon të jetë një sfidë reale për Shqipërinë.
Komisioni kërkon:
– Më shumë vendime gjyqësore të formës së prerë në çështjet e korrupsionit të profilit të lartë.
– Sekuestrim dhe konfiskim përfundimtar të pasurive që burojnë nga korrupsioni.
– Më shumë referime proaktive nga institucionet shtetërore drejt prokurorisë.
– Verifikim më efektiv të deklarimeve të pasurisë dhe konflikteve të interesit.
– Zbatim të masave parandaluese në sektorët me rrezik të lartë korrupsioni.
– Forcimin e integritetit dhe llogaridhënies së Policisë së Shtetit dhe Agjencisë së Mbikëqyrjes Policore.
