Legjenda e Anglisë dhe ish-kapiteni i Liverpoolit, Steven Gerrard, ka parashikuar se ylli i Barcelonës, Lamine Yamal, mund të arrijë nivelin e Lionel Messit dhe Cristiano Ronaldos gjatë dekadës së ardhshme.
Gerrard ka pasur fjalë të mëdha për talentin 19-vjeçar spanjoll në një paraqitje në TNT Sports, pak para se Yamal të shënonte golin e parë në fitoren 3-0 të Barcelonës ndaj Aston Villas në Ligën e Kampionëve.
“Po flasim për një superyll. Ai është një futbollist i jashtëzakonshëm. Numrat që po regjistron aktualisht, si në gola ashtu edhe në asistime, janë të pabesueshëm dhe vërtet të frikshëm”.
Duke krahasuar zhvillimin e tij me talentet e reja angleze, ish-kapiteni i Liverpoolit shtoi: “Ai është në të njëjtën moshë, por statistikat që po regjistron janë të pabesueshme. Ai tashmë është pjesë e diskutimeve për fitimin e Topit të Artë”.
Yamal, i cili në ceremoninë e vitit 2026 përfundoi në vendin e tretë në garën për Topin e Artë, pas fituesit Harry Kane dhe vendit të dytë Kylian Mbappe, vazhdon të krahasohet me figurat më të mëdha të futbollit.
Gerrard beson se anësori i Barcelonës ka potencialin për t'u përmendur në të njëjtën kategori me dy legjendat e futbollit botëror.
“Këta futbollistë shfaqen vetëm herë pas here – Messi, Ronaldo. Dhe e di që nuk po e them këtë para kohe, por pas një dekade për të do të flitet në të njëjtën mënyrë si për ta”, përfundoi anglezi./Telegrafi/
