Momente kur vritet brenda bankës oficeri i policisë në Kolumbi (VIDEO)

Një oficer i Policisë Kombëtare të Kolumbisë është vrarë me armë zjarri brenda një banke, ku kishte shkuar për të kryer disa veprime personale. Ngjarja ndodhi të martën, më 3 nëntor 2026, në qytetin El Difícil, në departamentin Magdalena, brenda një dege të Bankës Agrare.

Pamjet e kamerave të sigurisë tregojnë një person të veshur me bluzë të kuqe, i cili hyn fillimisht në bankë dhe, disa sekonda më vonë, i afrohet oficerit Angel de Jesus Arrieta Ruiz, ndërsa ky i fundit po bisedonte me një punonjës të bankës.

Në pamjet filmike shihet se autori nxjerr armën dhe qëllon policin, pavarësisht përpjekjeve të këtij të fundit për t’u mbrojtur. Arrieta Ruiz u transportua në spital, por më vonë ndërroi jetë për shkak të plagëve të marra.

Në momentin e sulmit, oficeri ishte me rroba civile dhe ndodhej me leje, pasi ishte në një pushim tre-ditor, nga 2 deri më 4 nëntor.

Angel de Jesus Arrieta Ruiz kishte shërbyer për 16 vjet e 9 muaj në Policinë Kombëtare të Kolumbisë. Prej 7 prillit 2026, ai ishte pjesë e një stacioni policie në zonën ku ndodhi ngjarja.

Rrethanat dhe motivet e vrasjes po hetohen nga autoritetet.

🚨 #MAGDALENA | Un subintendente de la Policía, identificado como Ángel de Jesús Arrieta Ruiz, fue asesinado durante un asalto al Banco Agrario de El Difícil, el martes 3 de noviembre. El uniformado, quien se encontraba de civil y de permiso, recibió dos impactos de bala y falleció en el hospital local. Los responsables huyeron en una motocicleta. Se desconocen los móviles exactos del ataque.

— ALEJO El Verseador 🇨🇴 (@El_verseador) November 4, 2026