Ramush Haradinaj, deputet i Aleancës, kërkoi sot shqyrtimin e detajuar të raportit të Bashkimit Evropian, duke deklaruar se proceset e qeverisjes në Kosovë kanë mbetur në vend.
Në deklaratën e dhënë nga holli i Kuvendit të Kosovës lidhur me Raportin e Progresit, ai e cilësoi shqetësuese situatën e qeverisjes, me theks të veçantë te integrimi evropian dhe ai euroatlantik.
Të lidhura
None found
Sipas Haradinajt, ngecja në të gjitha proceset qeverisëse është një realitet tashmë i njohur për ata që jetojnë në Kosovë. Ai nënvizoi se duhet një analizë e mirëfilltë dhe e hollësishme për të përcaktuar pengesat dhe problemet që shoqërojnë këto procese, përfshirë ato të integrimit evropian dhe euroatlantik, gjendjen e të cilave nuk e vlerësoi të mirë.
I publikuar më 4 nëntor, Raporti i Progresit i Komisionit Evropian për vitin 2026 vlerëson ecurinë e reformave, si edhe zhvillimet politike e institucionale të Kosovës në rrugën drejt integrimit evropian.
Dokumenti mbulon periudhën nga shtatori 2025 deri në shtator 2026 dhe konstaton se reformat që lidhen me Bashkimin Evropian kanë ngecur. Si shkaqe kryesore të kësaj gjendjeje, raporti identifikon krizën institucionale të zgjatur dhe bllokadën politike.
