E rëndë në Dibër, shtylla elektrike shembet dhe i merr jetën elektricistit

Një aksident tragjik në punë i ka marrë jetën një elektricisti në Dibër, paraditen e kësaj të enjteje, më 5 nëntor.

Ngjarja e rëndë është regjistruar në fshatin Vasije, në zonën e Kalasë së Dodës, ku elektricisti Lulzim Shehu ka humbur jetën pasi një shtyllë elektrike është shembur dhe e ka zënë poshtë, teksa ai ishte duke kryer punën e tij.

Pavarësisht ngjarjes së rëndë, elektricisti nuk ka mundur t’u mbijetojë plagëve dhe ka ndërruar jetë në vendin e aksidentit.

Pas tragjedisë, policia ka nisur hetimet për të dokumentuar rrethanat e plota të ngjarjes dhe për të përcaktuar se çfarë shkaktoi shembjen e shtyllës elektrike.

Autoritetet po punojnë për të zbardhur dinamikën e aksidentit që i mori jetën punonjësit gjatë ushtrimit të detyrës.