Një ngjarje e rëndë ka ndodhur një ditë më parë në fshatin Rremull të Burrelit, ku një 89-vjeçar, i identifikuar si Adem Mara, ka mbetur me djegie të rënda në trup.
Sipas informacioneve paraprake, dyshohet se vajza e tij, 43-vjeçarja Majlinda Mara, e ka spërkatur me benzinë dhe i ka vënë flakën.
I moshuari është transportuar me urgjencë drejt QSUT, ku po merr ndihmën e nevojshme mjekësore. Sipas informacioneve, 89-vjeçari ndodhet në gjendje të stabilizuar dhe jashtë rrezikut për jetën.
Ngjarja është shënuar gjatë ditës së djeshme, ndërsa autoritetet po vijojnë hetimet për të zbardhur plotësisht rrethanat dhe motivet e saj.
