Kryeministri Edi Rama pritet të mbledhë Asamblenë Kombëtare të Partisë Socialiste më 14 nëntor, por në diskutim është edhe një datë alternative për zhvillimin e këtij takimi. Bëhet fjalë për 15 nëntorin, ditën e diel, si një mundësi e dytë për mbajtjen e Asamblesë.
Deri më tani, data 14 nëntor mbetet varianti kryesor i parashikuar, ndërsa mundësia e zhvendosjes së mbledhjes për një ditë më vonë mbetet ende në shqyrtim.
Mbledhja e Asamblesë Kombëtare pritet të jetë një moment i rëndësishëm për Partinë Socialiste, ku mund të diskutohen çështje që lidhen me organizimin e brendshëm të partisë, ecurinë e punës së strukturave dhe objektivat politike për periudhën në vijim.