SHBA dhe Irani pranë marrëveshjes historike, Teherani pranon të diskutojë edhe programin bërthamor
Shtetet e Bashkuara dhe Irani mund të jenë më pranë se kurrë një marrëveshjeje diplomatike për t’i dhënë fund konfliktit, pasi Teherani ka shfaqur gatishmëri për të diskutuar edhe programin e tij bërthamor, një çështje që deri më tani e kishte mbajtur jashtë negociatave.
Lajmi bëhet i ditur nga Bloomberg, duke iu referuar burimeve diplomatike, sipas të cilave Irani po shqyrton propozimet për aktivitetet e tij bërthamore, të përcjella përmes Katarit, i cili po luan rolin e ndërmjetësit në përpjekjet për arritjen e një marrëveshjeje.
Zhvillimet diplomatike vijnë pas një bisede telefonike mes presidentit amerikan Donald Trump dhe emirit të Katarit, ku në fokus kanë qenë përpjekjet për uljen e tensioneve dhe gjetjen e një zgjidhjeje për konfliktin.
